新一年嘅開始，未必一定要立即訂立好多目標，或者逼自己「要做好啲」。
有時，只要先好好安頓情緒，重新對準內在節奏，就已經係一個好嘅開始。

《心靈調頻：頻率重啟站》係一個結合頌缽音療、呼吸練習同溫柔交流嘅心靈療癒體驗，陪你喺新一年初期，為自己做一次身心嘅「頻率重啟」。

活動會由一個輕鬆嘅互動環節開始。
喺簡單嘅引導下，透過呼吸練習或聲音感受練習，慢慢放鬆身體同思緒。

只需要專注當下嘅呼吸同感覺，透過互相引導與被引導，參加者可以在放鬆之中，建立一份自然嘅連結，亦為之後嘅音療體驗預備一個較開放同安定嘅狀態。
隨後會進入主要嘅頌缽音療環節。透過頌缽嘅聲音震動，身心會逐漸進入深層放鬆狀態，幫助釋放過去一段時間累積嘅壓力、焦慮同情緒張力。
聲音會成為溫柔嘅引導，讓思緒慢慢沉澱，心靈回到較清晰、平衡嘅頻率。

活動尾聲，參加者可簡單分享交流完成後嘅感受，讓體驗被整理、被聆聽。
畀自己一段時間，重新調頻，迎接新一年更舒服、更貼近自己嘅開始。

是次活動費用包含一杯熱茶。

注意⚠️ 癲癇患者、孕婦，或體內有金屬植入物者，基於安全考量，建議暫不參與本次活動。